Bakıda polis rəisinin avtomobili ağır qəzaya düşdü: sürücü öldü

Bu gün saat 09 radələrində Bakı şəhərinin Binəqədi rayonu ərazisində, Xacəsən qəsəbəsi yaxınlığında ağır yol qəzası baş verib. Bakı şəhər Dövlət Yol Polisi İdarəsindən verilən məlumata görə, Səbail rayon Polis İdarəsinin rəisi, polis polkovniki İlqar Mahmudovun xidməti avtomobili, 10 AA 104 nömrə nişanlı “Hyundai-Sonata” ilə “Hyundai-Tucson” toqquşub.  Nəticədə polis rəisinin sürücüsü Rafiq Abbasov hadisə yerindəcə keçinib. Bildirilir ki, sürücü R.Abbasov Xocasən qəsəbəsində yaşayır və səhər saatlarında İ.Mahmudovu evindən götürmək üçün şəhər istiqamətində gəlirmiş. Qəza zamanı avtomobildə başqa şəxs olmayıb. Faktla bağlı cinayət işi başlanıb, araşdırma aparılır. Hadisə ilə bağlı ilk xəbəri Ans yayıb.