Daha bir təhlükəli virus YAYILIR - ÖLƏNLƏR VAR

Yunanıstanda ilin əvvəlindən bəri Qərbi Nil virusuna 452 yoluxma halı qeydə alınıb. Temperaturun aşağı düşməsinə baxmayaraq, ölkədə yeni yoluxma halları aşkarlanmaqda davam edir.

Avtosfer.az Ajans.az-a istinadla xəbər verir ki, bu barədə Yunanıstanın Milli İctimai Səhiyyə Təşkilatı (EODY) məlumat yayıb.

Qurumun məlumatına görə, oktyabrın 9-dan 15-dək olan müddətdə daha 9 yoluxma halı qeydə alınıb, iki nəfər isə virus səbəbindən həyatını itirib.

Beləliklə, 2026-cı ilin əvvəlindən oktyabrın 15-dək Yunanıstanda Qərbi Nil virusundan ölənlərin ümumi sayı 49-a çatıb.

Yoluxma hallarının əksəriyyəti paytaxt Afina və ətraf əraziləri əhatə edən Attika bölgəsində qeydə alınıb.