Bakıda qəza törədərək qaçan şəxs polisə təslim olub

Bakıda yol-nəqliyyat hadisəsi törədərək hadisə yerindən qaçan şəxs polisə təslim olub.

Avtosfer.az Daxili İşlər Nazirliyinin saytına istinadən verdiyi məlumata görə, sentyabrın 30-da saat 01 radələrində Sabunçu rayonunun Maştağa qəsəbəsində müəyyən edilməmiş avtomobillə yolu keçən qəsəbə sakini Həmidağa Qurbanov vurulub və o, xəstəxanaya yerləşdirilib.

Hadisəni törətmiş “Mercedes” markalı avtomobilin sürücüsü - Bakı şəhər sakini Ramin Heydərov könüllü olaraq Sabunçu rayon Polis İdarəsi 14-cü Polis Bölməsinə gəlib.

Sabunçu rayon Polis İdarəsi tərəfindən araşdırma aparılır.