Bakıda taksi sürücüsü qəza törədib, 2 nəfər xəsarət alıb

Bakıda 2 nəfərin xəsarət alması ilə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə Sabunçu rayonunda qeydə alınıb. 1994-cü il təvəllüdlü Nağıyev Vuqar Ramiz oğlu idarə etdiyi "Toyota"markalı avtomobillə hərəkətdə olarkən nəqliyyat vasitəsində idarəetməni itirib. Nəticədə avtomobil aşıb. Hadisə zamanı sürücü və “Toyota”da müştəri qismində olan sərnişin, 1969-cu il təvəllüdlü Rüstəmov Vidadi Əmiraslan oğlu xəsarətlər alıblar.

Yaralılar təcili tibbi yardımın köməkliyi ilə 3 saylı şəhər Kliniki Xəstəxanasına çatdırılıblar.

Hadisənin təfərrüatı araşdırılır

"Report"