Bakıda yola qoyulan işarə “Prius”u qəzaya saldı - VİDEO

Bakıda 8 Noyabr prospektində avtomobil yolunda təmirlə bağlı qoyulan xəbərdaredici nişan yol-nəqliyyat hadisəsinə səbəb olub.

Avtosfer.az xəbər verir ki, “Toyota Prius” markalı avtomobil yolda təmirlə bağlı yanlış qoyulan xəbərdaredici nişana çırpılıb. Elan isə “Azərsu” ASC-yə aid olub.

“Azərsu”dan bildirilib ki, Xətai Rayon Sukanal İdarəsi tərəfindən sözügedən prospektdə kanalizasiya baxış quyusunun qapağı dəyişdirilirdi: "Bu səbəbdən yola xəbərdaredici nişan qoyulub. Hadisə dünən baş verib. Təmir işləri də dünən yekunlaşıb. Yol nişanı təyinatı üzrə bəlli məsafədə yerləşdirilib. Qəza törədən nəqliyyat vasitəsinin sürücüsünün xəbərdaredici nişanı görməməsinə bir münasibət bildirə bilmərik. Qəza qurumun gördüyü təmir-bərpa işləri səbəbindən baş verməyib”, deyə məlumatda bildirilir.