Bakıda yol qəzası baş verib, xəsarət alan var - FOTO

Bu gün səhər saatlarında Bakıda yol-nəqliyyat hadisəsi baş verib. Avtosfer.az "report"-a istinadən xəbər verir ki, Azadlıq prospekti ilə Dilarə Əliyeva küçəsinin kəsişməsində "Honda" və "Opel" markalı avtomobillər toqquşub.

Toqquşma nəticəsində "Opel" markalı avtomobil səkiyə çıxıb, onun sürücüsü isə xəsarət alıb.

Şahidlərin dediklərinə görə, qəzaya səbəb "Opel" markalı avtomobilin dönmə hərəkəti zamanı qaydanı pozması olub.

Faktla bağlı araşdırma aparılır.