Bakıda zəncirvari qəza: ölən var

Gecə Bakının Xətai rayonu Nobel prospektində 3 avtomobilin toqquşması ilə nəticələnən yol nəqliyyat hadisəsi baş verib. Avtosfer.az-ın anspress-ə istinadla verdiyi məlumata görə, hadisə zamanı şəhər istiqamətində hərəkət edən “VAZ 2107” markalı avtomobil əvvəlcə qarşıda gedən “Nissan” markalı avtomobillə toqquşub. Hadisədən sonra əks yola çıxan “07” həmin istiqamətdə gələn “Daewoo” markalı başqa nəqliyyat vasitəsinə çırpılıb. Hadisə zamanı “07”nin sürücüsü xəsarət alaraq xəstəxanaya yerləşdirilib. Sürücünün yanında əyləşən sərnişin isə aldığı xəsarətlər nəticəsində hadisə yerində dünyasını dəyişib.

Qəzadan sonra hadisə yerinə Xətai rayon polis idarəsi və dövlət yol polisi şöbəsinin əməkdaşları cəlb olunub. Qəza ilə bağlı araşdırmalar aparılıb sürücülərin izahatları alınıb. Aparılacaq araşdırmalardn sonra qəzanın hansı səbəbdən baş verdiyi məlum olacaq.