Bakıda zəncirvari yol qəzası olub.

Report-un məlumatına görə, hadisə paytaxtın Yasamal rayonu, A.M.Şərifzadə prospektində qeydə alınıb.

Belə ki, prospektdə hərəkətdə olan "VAZ-2107" markalı avtomobilin sürücüsü idarəetməni itirib. Daha sonra "VAZ-2107" markalı maşın qarşı tərəfdən gələn "Hyundai" markalı avtomobillə toqquşub və əks yolda park edilmiş digər 2 avtomobilə çarpılıb. Nəticədə avtomobillərə ciddi ziyan dəyib.

Faktla bağlı araşdırma aparılır.