Bakıdan rayona yasa gedən ailə faciə yaşadı: ölən var

Bu gün axşam saatlarında Qazax rayonunda ağır yol qəzası baş verib.

Çaylı kəndi ərazisində "Nissan" və "Ford" markalı avtomobillər toqquşub.

Nəticədə "Nissan"da olan sərnişin, 1978-ci il təvəllüdlü Elnur Malik oğlu Nəzərov aldığı xəsarətlərdən vəfat edib.

Bildirilir ki, hadisə vaxtı avtomobili E.Nəzərovun həyat yoldaşı idarə edirmiş.

Onlar Bakıdan Qazaxa Elnurun baldızının vəfatının 40-cı günü ilə əlaqədar keçirilən anım mərasimində iştirak etmək məqsədilə gedibmiş.

Faktla bağlı araşdırma aparılır. (qafqazinfo)