Bakıxanovda qəza: “Prius” “Opel”i vuraraq aşırdı - VİDEO

Yüksək sürətin səbəb olduğu qəza avtomobilləri sıradan çıxarıb. 
Avtosfer.az məlumatına görə sosial şəbəkələrdə paylaşılan qəza hadisəsi dünən, paytaxtın Bakıxanov qəsəbəsində baş verib. Hadisə şahidlərinin kameraya aldığı görüntüdən bəlli olduğu kimi “Toyota Prius” markalı avtomobil, 99-LY-131 dövlət nömrə nişanlı, “Opel” markalı avtomobillə toqquşub. Yüksək sürət həddi ilə hərəkət edən “Toyota Prius” sürücüsü ona dəyməklə kifayətlənməyib, nəqliyyat vasitəsini böyrü üstə aşırıb. Olay zamanı “Toyota”nın ön hissəsi əzilərək yararsızlaşıb, “Opel” isə onunla müqayisədə daha çox zədələnib. Xoşbəxtlikdən sürücülərdən xəsarət alan olmayıb.
Qeyd edək ki, qəza yerinə cəlb edilən yol polisi əməkdaşları hadisənin başvermə səbəblərini araşdıraraq lazımi tədbiri icra ediblər. 

Nərmin