Bərdədə ağır qəzada maşın bu hala düşdü: iki nəfər xəsarət alıb - FOTO

Bərdə rayonunda ağır yol- nəqliyyat hadisəsi baş verib. 

Avtosfer.az-ın bölgə müxbiri xəbər verir ki, hadisə rayonun  Türkmən kəndində qeydə alınıb.   99 MD 578 dövlət nömrə nişanlı, "CHERY" markalı  minik avtomobilinin hasara çırpılması nəticəsində 2 nəfər ağır bədən xəsarətləri alıb.
Sürücü və sərnişin Bərdə rayon Mərkəzi Xəstəxanasına yerləşdirilib. Vəziyyətlərinin ağır olduğu bildirilir.

Faktla bağlı araşdırma aparılır.