Bərdədə iki avtomobil toqquşdu: Ölən və yaralananlar var - FOTO

Bərdədə ölümlə nəticələnən ağır yol-nəqliyyat hadisəsi baş verib.

“Report”un xəbərinə görə, hadisə rayonun Saatlı kəndində qeydə alınıb.

Qəza zamanı Saatlı kəndi istiqamətində hərəkət edən VAZ-21099 markalı avtomobillə əks istiqamətdə hərəkət edən VAZ-21011 markalı avtomobil toqquşub.

Şahidlərin bildirdiyinə görə, qəza zamanı VAZ-21099 markalı avtomobilin sürücüsü aldığı xəsarətlərdən hadisə yerində dünyasını dəyişib.

Hər iki avtomobildə olan sərnişinlər ağır bədən xəsarətləri ilə Bərdə Rayon Mərkəzi Xəstəxanasına yerləşdirilib. Hazırda qəzanın səbəbləri, ölən və yaralıların kimliyi müəyyənləşdirilir.