Biləsuvarda avtomobil piyadanı vuraraq öldürüb

Biləsuvar rayonunda ölümlə nəticələnən yol-nəqliyyat hadisəsi baş verib. Avtosfer.az Daxili İşlər Nazirliyinin saytına istinadən verdiyi məlumata görə, sentyabrın 30-da saat 09 radələrində Biləsuvar rayonunun Xırmandalı kəndində Neftçala rayon sakini Cahangir Novruzov idarə etdiyi “Mercedes” markalı avtomobillə yolu keçən kənd sakini Eldar Orucovu vurub. Nəticədə xəstəxanaya yerləşdirilmiş E.Orucov orada ölüb.

Baş Dövlət Yol Polisi İdarəsi tərəfindən araşdırma aparılır.