Biləsuvarda avtomobil yeniyetməyə ağır xəsarət yetirib

Biləsuvar rayonunda ağır xəsarətlə nəticələnən yol-nəqliyyat hadisəsi baş verib.

Avtosfer.az-ın məlumatına görə, hadisə Dərvişli kəndində qeydə alınıb. Avtomobil yolu keçən 2010-cu il təvəllüdlü Bağırlı Lamiyə Siyasət qızını vurub.

Ağır xəsarətlər alan azyaşlı təcili tibbi yardımın köməkliyi ilə Bakıda yerləşən xəstəxanaların birinə gətirilib. Müayinə zamanı ona açıq kəllə-beyin travması və baş-beynin ağır dərəcəli əziyi diaqnozları qoyulub.

Yaralı reanimasiya şöbəsinə yerləşdirilib.

"Report"

Hadisənin təfərrüatı araşdırılır