Biləsuvarda velosiped traktora çırpılıb, ölən var

Biləsuvarda 28 yaşlı gənc qəzada ölüb. Avtosfer.az-ın verdiyi məlumata görə, hadisə rayonun Səmədabad kəndində baş verib.

Kənd sakini, 1992-ci il təvəllüdlü Musa İnşallah oğlu Abdullayev velosipedlə hərəkətdə olarkən traktorun qoşqusuna çırpılıb. Nəticədə ağır bədən xəsarəti ilə xəstəxanaya yerləşdirilən gəncin həyatını xilas etmək mümkün olmayıb.

Faktla bağlı araşdırma aparılır.