Binəqədidə qorxulu anlar : Öz-özünə gedən avtomobil obyektə çırpıldı - VİDEO

Avtomobilini neytral vəziyyətdə saxlayan sürücü həm nəqliyyat vasitələri, həm də insanlar üçün təhlükə yaradıb. 
Avtosfer.az xəbər verir ki, sosial şəbəkə istifadəçilərinin qınaq obyektinə çevrilən qəza hadisəsi Binəqədi rayonunda qeydə alınıb. Müşahidə kamerasında əks olan kadrlardan da aydın göründüyü kimi, parklanma rejiminə əməl etməyən sürücü qəza yaradıb. Belə ki, “Kia Soul” markalı avtomobilin sürücüsü maşınını yol kənarında saxlayaraq marketə daxil olub. Bu zaman hərəkət etməyə başlayan avtomobil yola çıxıb və hərəkətdə olan nəqliyyat vasitələrinə təhlükə yaradıb. Dayanmadan geri gedən maşın sonda yol kənarındakı obyektə çırpılıb. İşin ən təhlükəli məqamı isə çırpılmazdan öncə obyektdən çıxan piyadanın avtomobilin hədəfindən son anda qurtulması olub. Sükan arxasında sürücünün olmadığını görən insanlar yaxınlaşaraq onu nizamlamağa çalışıblar. Bir müddət sonra avtomobilin sahibi geri qayıdaraq etdiyi məhsuliyyətsiz davranışın nəticəsi ilə qarşılaşıb.

Nərmin