Bir ailənin 3 üzvü yaralandı

Gəncə şəhər TTYX-ə 3 nəfər müxtəlif dərəcəli bədən xəsarətləri ilə gətirilib. Avtosfer.az Kəpəz TV-yə istinadən xəbər verir ki, 63 yaşlı Saday Quliyev, onun həyat yoldaşı 55 yaşlı Həvayət Quliyeva və övladları 25 yaşlı Sədr Quliyev Goranboy rayonunun Dəliməmmədli kəndi ərazisində baş verən avtomobil qəzası nəticəsində xəsarət alıblar. Belə ki, “VAZ” markalı avtomobillə “Qazel” markalı nəqliyyat vasitəsi toqquşub. Zərərçəkənlər də «VAZ»-ın sürücüsü və sərnişinləridir. Faktla bağlı araşdırmalar aparılır.