Britaniyada sərnişin təyyarəsi qəzadan son anda qurtuldu – ANBAAN VİDEO

“British Airways” aviaşirkətinə məxsus təyyarə Londonun “Hitrou” hava limanına enərkən şiddətli fırtına səbəbindən aşma təhlükəsi ilə üzləşib.

Video hadisə şahidləri tərəfindən qeydə alınıb.

Sosial şəbəkələrdə yerləşdirilən kadrlarda saatda 144 kilometrə çatan güclü külək fonunda eniş edən sərnişin təyyarəsi əks olunub. Uçuş-enmə zolağına toxunan təyyarə o yan-bu yana yırğalandıqdan sonra yenidən havaya qalxmağa məcbur olub.

Video müəllifinin sözlərinə görə, əlverişsiz hava şəraitində uğursuz eniş faciəyə çevrilə bilərdi. Bu baxımdan təyyarə komandiri inanılmaz bacarıq nümayiş etdirib.

Ölkə mətbuatının məlumatın görə, son günlərdə Böyük Britaniyada birdən-birə iki fırtına - “Malik” və “Korri” qeydə alınıb. Nəticədə 30 minə yaxın insan işıqsız qalıb, məktəblərdə dərslər ləğv edilib.

oxu.az