Bu cür qəzada sağ qalmaq möcüzədir - FOTO

Bakı-Qazax yolunun Yevlax rayonundan keçən hissəsində ağır yol-nəqliyyat hadisəsi baş verib.


Musavat.com-un verdiyi məlumata görə, 20-CF3-48 dövlət nömrə nişanlı "KamAz" markalı yük maşını ilə "DAF" markalı TIR toqquşub. Zərbənin təsirindən "KamAZ"ın kabini deformasiyaya uğrayıb. Ətrafdakı insanlar sürücünü sıxışıb qaldığı kabindən güclə çıxara biliblər. Hadisə yerindən bildirilib ki, "KamAZ"ın sürücüsü yaralansa da həyati təhlükəsi yoxdur.

"DAF" maşını Gürcüstanın "Qianti" şirketinə məxsusdur. Gürcü sürücü bildirib ki, onun önündə gedən minik avtomobilinin sürücüsü əyləci qəfil basıb, bu zaman arxadan gələn "KamAZ" onun yük yerinə çırpılıb.

Yol polisi günahın kimdə olub-olmadığını aydınlaşdırmaq üçün hadisə yerinə müstəntiq çağırıldığını deyib.