Cəlilabadda avtomobil atlını vuraraq xəsarət yetirdi

Cəlilabad rayonunda yol-nəqliyyat hadisəsi baş verib.

"Report"un Muğan bürosunun məlumatına görə, hadisə Cəlilabad şəhərinin “Seyrangah” adlanan ərazisində qeydə alınıb.

Belə ki, "Jiquli " markalı minik avtomobili yolun kənarı ilə hərəkət edən atlını vurub. Nəticədə o, xəsarət alıb. Yaralı xəstəxanaya çatdırılıb. Onun vəziyyəti ağır qiymətləndirilir.

Hazırda zərərçəkənin şəxsiyyəti dəqiqləşdirilir.

Faktla bağlı araşdırma aparılır