Cəlilabadda iki maşın toqquşdu, xəsarət alanlar var - FOTO - YENİLƏNİB

Cəlilabadda baş verən qəzada xəsarət alanların kimliyi məlum olub.

Hadisə zamanı üç nəfər xəsarət alıb.

Onlar "VAZ-2107" markalı minik avtomobilinin sürücüsü - Biləsuvar rayon sakini, 1984-cü il təvəllüdlü Aqil Nadir oğlu Əhmədov, "Mercedes" markalı avtomobilin sürücüsü - Bakı şəhər sakini, 1987-ci il təvəllüdlü Nizami Səfərov və sərnişini, paytaxt sakini 1982-ci il təvəllüdlü Yeganə Quliyevadır.

Yaralıların müalicəsi xəstəxanada davam etdirilir.

***

Cəlilabadda yol-nəqliyyat hadisəsi baş verib.

Hadisə köhnə Ələt-Astara magistralında qeydə alınıb.

"VAZ 2107" və "Mercedes" markalı minik avtomobilləri toqquşub.

Hadisə nəticəsində xəsarət alanlar Biləsuvar Rayon Mərkəzi Xəstəxanasına çatdırılıb.

Hazırda onların şəxsiyyəti dəqiqləşdirilir.

Faktla bağlı araşdırma aparılır. (apa)