Cəlilabadda ziyarətgaha gedən mikroavtobus qəza törətdi, 8 nəfər xəsarət aldı - FOTO - YENİLƏNİB

Cəlilabadda ağır yol qəzasında xəsarət alanların sayı 8-ə çatıb.

Qəzada xəsarət alan 1995-ci il təvəllüdlü Əli Mirzəyev və 1991-ci il təvəllüdlü Ülvi Mustafayev də xəstəxanaya müraciət ediblər.

Faktla bağlı araşdırmalar davam etdirilir. (report)

***

Report xəbər verir ki, hadisə nəticəsində xəsarət alanlar 1970-ci il təvəllüdlü Firuzə Hüseynova, 1987-ci il təvəllüdlü Xəyalə Yaqubzadə, 1962-ci il təvəllüdlü Naibə Əliyeva, 1952-ci il təvəllüdlü Zümrüd Şıxəliyeva, 1981-ci il təvəllüdlü Nailə Quluzadə və 2009-cu il təvəllüdlü Xədicə Yaqubzadədir.

***

Cəlilabad rayonunda yol qəzası baş verib.

Cəlilabad şəhəri ərazisində "Ford" markalı sərnişin mikroavtobusu və "VAZ 2106" markalı minik avtomobili toqquşub. Hadisə nəticəsində xəsarət alanların olduğu bildirilir.

Xəsarət alanlar rayon xəstəxanasına çatdırılıb.

Məlumata görə, mikroavtobusda olan şəxslər ziyarətgaha gedirmişlər.

Faktla bağlı araşdırma aparılır. (apa)