Daha bir təyyarə qəzası: ölənlər var

Ötən gün Krımın şərqində yerləşən Koktebel qəsəbəsində "Cessna" tipli şəxsi təyyarə qəzaya uğrayıb və nəticədə üç nəfər həlak olub.

Avtosfer.az "report"-a istinadən xəbər verir ki, bu barədə təcili xidmətlərdəki mənbəyə istinadən Rusiya mətbuatı məlumat yayıb.

"Klementyev dağının Koktebelə yaxın ərazisinə hələ ki, müəyyən edilməyən səbəblərdən şəxsi "Cessna" təyyarəsi düşüb. İlkin məlumatlara görə, hava gəmisinin pilotu və iki sərnişini həyatını itirib", - deyə mənbə bildirib. Digər mənbələrin məlumatına görə, uçuş zamanı ştatdankənar vəziyyət yaranıb və təyyarə bir anda yüksəkliyi itirərək yerə çırpılıb.