Dəhşətli qəza: Avtomobili tanınmaz hala düşdü, özü isə sağ çıxdı - VİDEO

Yolun ortasında dayanaraq maşınını təmir etdi, döngədən qəfil çıxan avtomobillə toqquşaraq qəza yaratdı. 

Avtosfer.az xəbər verir ki, sosial şəbəkələrdə geniş yayılan dəhşətli qəza dünən günorta saatlarında, Sabunçu rayonunun Bilgəh qəsəbəsində baş verib. Həvəskarın lentə aldığı kadrlardan da məlum olduğu kimi “Hyundai Santa Fe” markalı avtomobil “Qazel” markalı yük maşını ilə toqquşub. Belə ki, idarəyə məxsus olan “Qazel” yolun solunda dayanaraq təmir işləri apardığı zaman “Hyundai” markalı avtomobil döngüdən çıxan kimi ona dəyib. Nəticədə yük maşınının təkəri altında qalan “Hyundai” tamamilə yararsız vəziyyətə düşüb. Xüsusilə ön və təkər altında qalan sol tərəfi əzik-əzik olub. Xoşbəxtlikdən ölüm faktı qeydə alınmayıb. Avtomobilin sürücüsü aldığı xəsarətlərlə xəstəxanaya yerləşdirilib. Hadisə şahidlərinin sözlərinə görə qəzanın yaranmasına səbəb “Qazel” markalı maşının heç bir xəbərdarlıq işarəsi qoymadan təmir işləri aparması olub. 

Nərmin