Dəhşətli qəzadan sağ çıxdılar - FOTOLAR

Nəhəng konteyner avtomobili əzdikdən sonra içərisində olan sürücü və sərnişin sağ qalıblar. Qəza Çinin Şandun vilayətinin şərqində Tsindao şəhərində yolda baş verib. Nəhəng yük maşını aşıb və içində olan yük kişi və qızın olduğu avtomobilin üzərinə düşüb. Xilasetmə xidməti qəzada heç kimin sağ qalmadığından və əzilmiş metalın içindən insan cəsədlərini çıxarmalı olacaqlarından əmin idilər. Amma onlar işə başladıqları zaman maşından kömək istəyən qadın səsi eşidiblər. Qız avtomobilin pəncərəsindəki aralıqdan özünün və dostunun sağ olduğunu əl işarəsi ilə bildirib.

Bu zaman yüz ton çəkisi olan kranın yardımı ilə xilasetmə işləri başlayıb. Qızı asanlıqla avtomobildən çıxarıblar. O, sadəcə əziklər və qançırlarla yaxa qurtarıb. Əzilmiş avtomobilin içində cəmi 60 sm aralıq qalıb. Kişi bir qədər ağır vəziyyətdə xəstəxanaya çatdırılıb, onun tezliklə sağalmasına ümid var.

Yük maşınının sürücüsü digər avtomobil ilə toqquşmamaq üçün ani şəkildə sağa döndüyünü iddia edir. Qorxunc qəzanın fotolarını təqdim edirik:

trail.az