Dəmir məhəccərlərə çırpılan “KamAZ” aşdı, daşıdığı daşlar yolu bağladı - VİDEO

Hacıqabul rayonunun Qızılburun kəndində yük maşınının aşmasıyla nəticələnən yol-nəqliyyat hadisəsi baş verib.
Avtosfer.az-ın məlumatına əsasən, qəza dünən axşam saatlarında qeydə alınıb. Görüntülərdən məlum olduğu kimi, qəzaya uğrayan “KamAZ” markalı yük maşını üzü üstə aşıb. Yol-nəqliyyat hadisəsinin baş verməsinə səbəb sürət həddinin yüksək olması bildirilib. Belə ki, yüksək sürətlə hərəkət edən sürücü qəfil idarəetməni itirib və yük maşınını dəmir məhəccərlərə çırpıb. Nəticədə böyrü üstə düşən “KamAZ”ın qoşqusunda olan daşlar yerə səpələnib və digər nəqliyyat vasitələrinin hərəkətini məhdudlaşıdırıb. Xoşbəxtlikdən sürücü qəzadan xəsarətsiz ötüşməyi bacarıb.

Nərmin