Dinozavr avtomobil qəzasına səbəb oldu - FOTO

İlk baxışdan sual yarana bilər: Axı 90 milyon il əvvəl avtomobil yox idi?
Doğrudur, amma hadisə 21-ci əsrdə baş verib. 

Avtosfer.az-ın xəbərinə görə, 2018-ci ildə Argentinadakı Pataqoniya vadisində 30 metr uzunluqda dinozavr skeleti tapılır. Elmi adı “Chucarosaurus diripienda”  adlanan dinozavrın qalıqlarını daşımaq     üçün ağırtonajlı avtomobil icarəyə götürülür. Dümüklər maşına yüklənərək paytaxt Buenos-Ayresə aparılır. 

Yolda yükün ağırlığından avtomobil döngədə aşır və sümüklər yerə tökülür. Ekspedisiyanın üzvləri başlarını tuturlar: Düşünürlər ki çox qiymətli elmi material məhv oldu.

Amma bir neçə dəqiqəyə özünə gələn alimlər bu dəfə başqa şeyə təəccübləndilər: dinozavrın sümükləri o qədər sərt idi ki, nəinki sınmamış, əksinə asfaltı dağıtmışdı. 90 milyon il əvvəl yaşamış canlının kütləsinin 30-40 ton arasında dəyişdiyi ehtimal edilir.

Vüqar Yaşaroğlu