Dörd avtomobilin iştirakı ilə ağır yol qəzası; 5 ölü, 5 yaralı - ANBAAN VİDEO

Dağıstanda 4 nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyulun 25-də gecə saatlarında Xasavyurd rayonu ərazisində qeydə alınıb.

Respublikanın Daxili İşlər Nazirliyinin Mətbuat Xidmətindən verilən məlumata görə, Endirey kəndində 46 yaşlı sürücü idarə etdiyi “VAZ-2112” markalı minik avtomobillə, hərəkətdə olarkən hələlik müəyyənləşdirilməmiş səbəblərdən yolun əks istiqmətinə çıxaraq “Lada Priora”, “VAZ-2110” və “Kia Rio” ilə toqquşub. Zərbənin təsirindən bir neçə maşın deformasiyaya uğrayıb. Qəza nəticəsində 5 nəfər vəfat edib, daha 5-i isə xəsarət alıb. Yaralılar, təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırmalara başlanılıb.

Namiq Musayev