Əks yola çıxan “BMW” sağ zolağı kəsən “06” ilə toqquşaraq zəncirvari qəza yaratdı - VİDEO

Müxtəlif qayda pozuntularına baş vuran sürücülər zəncirvari qəzaya səbəb olublar.
Avtosfer.az xəbər verir ki, hadisə  7 iyun tarixində saat 13 radələrində Xəzər rayonun Binə qəsəbəsində cərəyan edib. Görüntüdən bəlli olduğu kimi, əks yola çıxan “BMW” markalı avtomobilin sürücüsü qarşıdan gələn “Hyundai” markalı avtomobilə dəyərək parklanmış “VAZ-2106”nı vurub. Nəticədə neytral vəziyyətdə olan “06” dayandığı yerdən çıxaraq hərəkət etməyə başlayıb. “VAZ-2106”nın sahibi yaranmış qəzanı görsə də, artıq gec olub. Həmçinin “BMW” və “Hyundai” zədələnib. 
Qeyd edək ki, hadisənin baş verməsinə “BMW” səbəb olsa da, dar yolda “VAZ-2106”nı park edərək  ikinci cərgə yaradan sürücünün rolu da danılmazdır.

Nərmin