Əks zolağa çıxan “Honda” “Subaru” ilə toqquşdu; 8 nəfər yaralandı - FOTO

Rusiyanın Volqoqrad əyalətində iki minik avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə P-22 “Kaspiy” avtomagistralının 882-ci kilometrliyində qeydə alınıb. Bu barədə avqustun 8-də Rusiya Daxili İşlər Nazirliyinin Mətbuat Xidmətinin əaylət üzrə regional qrupundan məlumat verilib. 

Məlumata görə, 53 yaşlı sürücü idarə etdiyi “Honda CR-V” markalı avtomobillə, ötmə əməliyyatını yerinə yetirərkən yolun əks istiqamətinə çıxıb və qarşıdan gələn “Subaru Forester”lə toqquşub.

Qəza nəticəsində hər iki nəqliyyat vasitəsindəki 4-ü uşaq olmaqla, ümumilikdə 8 nəfər, hadisə yerinə cəlb olunan təcili tibbi yardım briqadasının köməkliyi ilə xəstəxanaya çatdırılıblar.

Faktla bağlı araşdırma aparılır.

Namiq Musayev