Əks zolağa çıxan “Mitsubishi” “Volvo” ilə toqquşdu; bir ailə məhv oldu - FOTO

Rusiyanın Tümen əyalətində iki nəqliyyat vasitəsinin iştirakı ilə ağır yol qəzası baş verib. Avtosfer.az xəbər verir ki, hadisə iyunun 27-də 19:00 radələrində “Tümen – Xantı-Mansiysk” Federal trasının 428-ci kilometrliyində qeydə alınıb. “megatyumen.ru” məlumat yayıb.

Məlumata görə, 55 yaşlı sürücü idarə etdiyi “Mitsubishi” markalı avtomobillə hərəkətdə olarkən, yolun əks istiqamətinə çıxıb və qarşıdan gələn “Volvo” markalı yük maşını ilə toqquşub.

Zərbənin şiddətindən minik avtomobili deformasiyaya uğrayıb.

Qəza nəticəsində “Mitsubishi”də olan bir ailədən ibarət 3 nəfər (1965-ci il təvəllüdlü sürücü, onun 1966-cı il təvəllüdlü xanımı və onların 1999-cu il təvəllüdlü qızları) dünyasını dəyişib.

Faktla bağlı araşdırmalara başlanılıb.

Namiq Musayev