Ələt yolunda “Qazel” aşdı, yeşiklə dolu kartoflar yola səpələndi - VİDEO

Qəflətən təkəri partlayan yük maşını qəza yaradıb.
Avtosfer.az xəbər verir ki, qəza hadisəsi dünən günorta saatlarında, Bakı-Ələt yolunda qeydə alınıb. Videodan məlum olduğu kimi, 49-BE-787 dövlət nömrə nişanlı, “Qazel” markalı yük maşını yoldan çıxaraq aşıb. Qəzanın baş verməsinə səbəb yük maşının təkərinin partlaması olub. Belə ki, sükanı buraxan sürücü ana yoldan çıxaraq böyrü üstə düşüb. Nəticədə “Qazel”in daşıdığı yük- kartoflar yola dağılıb. Yük maşını yararsız hala düşsə də, sürücü qəzadan yüngül xəsarətlərlə xilas olub. 
Qeyd edək ki, ərazidə olan insanlar və yol əməkdaşları sürücüyə yardım göstəriblər.

Nərmin