Əlil maşınıyla kanala düşdü: özü özünü xilas etdi

Ötən gün Qaxda qəza baş verib. Hadisə rayonun Fıstıqlı kəndində meydana gəlib. Avtosfer.az kanals-ə istinadən xəbər verir ki, 36 yaşlı Xalid Mənəfov idarə etdiyi "VAZ 2106" markalı avtomobillə Fıstıqlı kəndi istiqamətində hərəkətdə olarkən idarəetməni itirib. Nəticədə avtomobil yolun kənarındakı kanala aşıb. Xoşbəxtlikdən, hadisə zamanı Xalid Mənəfov xəsarət almayıb. O, dərhal aşan avtomobilin şüşəsini sındıraraq çölə çıxa bilib. Qəzalı avtomobil isə tüstüləməyə başladığından hadisə yerinə Qax Rayon Dövlət Yanğından Mühafizə Hissəsinin yanğınsöndürən maşını və canlı qüvvəsi cəlb olunub və çıxa biləcək yanğının qarşısı alınıb. Qeyd edək ki, Xalid Mənəfov II qrup əlildir. Qəza zamanı o, avtomobildə tək olub.