Erməni çempion avtomobil qəzasında piyadanı öldürdü

Ağır atletika üzrə ikiqat dünya çempionu Simon Martirosyan Yerevanda yol qəzası törədib.

Avtosfer.az "sputnik armenia"ya sitinadən xəbər verir ki, qəza paytaxtın Arsakunyats prospektində baş verib. Erməni idmançı yolu səhv yerdə keçən kişini vurub. Sürücü hadisə yerindən ayrılmayıb, təcili yardım çağırıb, lakin zərərçəkən xəstəxanaya aparılarkən yolda ölüb. Hadisə ilə bağlı cinayət işi başlanıb, araşdırma aparılır.

Martirosyan 109 kiloqrama qədər çəki dərəcəsində çıxış edir. Dünya çempionatında qazandığı iki qələbədən əlavə, Avropa çempionatında iki qələbə qazandığı kimi, Rio-de-Janeyroda 2016 Olimpiadasında gümüş medal qazanıb.