Ərzincanda avtobus aşıb, ölənlər var

Türkiyənin Ərzincan şəhərinin Kızıldağ ərazisində sərnişin avtobusunun aşması nəticəsində 2 nəfər ölüb, 21 nəfər yaralanıb.

Avtosfer.az xəbər verir ki, hadisə yerinə çox sayda təcili tibbi yardım briqadası, xilasedicilər cəlb olunub.

Bildirilib ki, nəqliyyat vasitəsi Ərzincan-Sivas marşrutu üzrə hərəkət edirdi. Avtobusun qəzaya uğraması əlverişsiz hava şəraiti ilə əlaqəli olduğu güman edilir.

Faktla bağlı araşdırma aparılır.

Qeyd edək ki, daha öncə ölkənin Yozqat bölgəsində sərnişin avtobusu qəzaya uğrayıb.

Report