Əsgərləri daşıyan avtobus aşdı; 5 ölü, 10 yaralı - FOTO

Türkiyənin Mersin vilayətində hərbçilər olan avtobusun iştirakı ilə ağır yol qəzası baş verib.

Avtosfer.az xəbər verir ki, hadisə iyulun 27-də Mut rayonunda qeydə alınıb.

"DHA" agentliyinin verdiyi məlumata görə, Manisa Alaşəhərdən Şimali Kipir Türk Cümhuriyyətinə 30-dan çox hərbçini daşıyan avtobus, əyləcində yaranan nasazlıq səbəbindən sürücünün idarəetməsindən çıxıb və yol kənarına aşıb.

Qəza nəticəsində 5 nəfər ölüb, 10-u isə ağır xəsarətlər alıb.

Yaralılar, hadisə yerinə cəlb edilən ambulanslarla xəstəxanalara çatdırılıblar.

Faktla bağlı araşdırmalara başlanılıb.

Namiq Musayev