FHN əməkdaşları qəzaya uğradı, ölən var

Gəncədə ölümlə nəticələnən yol-nəqliyyat hadisəsi baş verib. Qəza şəhərin çıxışında, Nizami məqbərəsinin yaxınlığında qeydə alınıb. Gəncə şəhər Polis İdarəsindən verilən məlumata görə, əslən Kəlbəcər rayonundan olan, Gəncə şəhərində məskunlaşan 1980-ci il təvəllüdlü Kənan Əbülfət oğlu Məmmədxanov paytaxt istiqamətində hərəkətdə olarkən idarə etdiyi 20- TN- 254 dövlət nömrə nişanlı "Daewoo" markalı avtomobillə yolda təmizlik işləri görən süpürgəçi- 1962-ci il təvəllüdlü Şahnaz Talıb qızı Məmmədovanı vurub.  Daha sonra avtomobil yolun kənarındakı divara çırpılıb. Hadisə nəticəsində Şahnaz Məmmədova yerindəcə dünyasını dəyişib, avtomobildə olan sərnişinlər- Gəncə şəhər sakinləri- 1979-cu il təvəllüdlü Əlizamin Nəbi oğlu Hüseynov, 1985-ci il təvəllüdlü Mənsur Hümbət oğlu Əliyev və 1980-ci il təvəllüdlü Nazim Qəşəm oğlu Pənahov müxtəlif dərəcəli bədən xəsarətləri alıblar. Yaralılar darhal Gəncə Şəhər Təcili Tibbi Yardım Xəstəxanasına çatdırılıb. Xəstəxanadan onların vəziyyətlərinin yaxşı olduğunu bildirdilər.

Qəzaya düşən şəxslər Fövqaladə Hallar Nazirliyinin əməkdaşlarıdır.

Faktla bağlı Gəncə şəhər Polis Şöbəsində araşdırma aparılır.