Formula yarışında türk pilotları toqquşdu - VİDEO

Birləşmiş Ərəb Əmirliklərinin paytaxtı Əbu-Dabidəki “Yas Marina Circuit”də keçirilən Formula Regional Asiya Çempionatının üçüncü yarışına “Evans GP” komandasından Cem Bölükbaşı və “Pinnacle” komandasından Salih Yoluç da qatılıb.

Yarışın əvvəlində baş verən qəzaya pilotların bolidləri də cəlb olunub. Hər iki pilot kütləvi qəzadan xəsarət almadan xilas olub.

Bölükbaşı sosial şəbəkə hesabında səhhətinin vəziyyəti ilə bağlı açıqlama verib. O, “Yaxşıyam uşaqlar, narahatedəci heç nə yoxdur”-yazaraq qeyd edib.

Salih Yoluç isə avtomobilindəki “halo” sistemi sayəsində qəzadan xəsarət almadan xilas olduğu barədə məlumat paylaşıb.

Mənbə: “Haber Global”