Futbolçu “Land Rover”i ilə 200 metrlik uçurum yuvarlandı - FOTO

Braziliyanın “Cruzeiro” futbol klubunun yarım müdafiəçisi 35 yaşlı Henrique Volante avtomobil qəzasına düşüb. Avtosfer.az xəbər verir ki, hadisə Belu-Orizonti bölgəsində yerləşən Brumadinyu bələdiyyəsi ərazisində qeydə alınıb. Bu barədə “globoesporte” portalı məlumat yayıb.

Portalın məlumatına görə, 35 yaşlı futbolçu idarə etdiyi “Land Rover” markalı avtomobillə hərəkətdə olarkən, “Casa Branca” dağlıq yolunda sükan idarəetməsini itirərək təxminən 200 metrlik hündürlükdən uçuruma yuvarlanıb. Qəza nəticəsində yarım müdafiəçisi müxtəlif dərəcəli bədən xəsarətləri ilə “Mater Dei” xəstəxanasına çatdırılıb.

Hazırda Henrique Volante şok vəziyyətində olduğundan düşdüyü qəza ilə bağlı açıqlama verməyib.

Namiq Musayev