Gəncə şəhərində avtomobilin vurduğu şəxsin kimliyi məlum olub.

Report-un məlumatına görə, hadisə şəhərin 5-ci mikrorayon ərazisində qeydə alınıb.

Belə ki, yolu qarşı tərəfə keçmək istəyən Gəncə şəhər sakini, 1987-ci il təvəllüdlü Zaur Fərəclini "VAZ-21015" markalı avtomobil vurub. Ağır bədən xəsarətləri alan piyada həmin avtomobilin sürücüsü Ramin Əsədov tərəfindən xəstəxanaya çatdırılıb.

Faktla bağlı Cinayət Məcəlləsinin müvafiq maddəsi ilə cinayət işi açılıb, araşdırma aparılır.