Gəncədə əcnəbi uşağı maşın vurdu

Gəncədə yolu keçmək istəyən piyadanı avtomobil vurub. Avtosfer.az-ın APA-ya istinadən verdiyi məlumata görə hadisə sentyabrın 24-ü axşam saatlarında şəhərin Atatürk prospektində qeydə alınıb. Yolu keçmək istəyən 2008-ci il təvəllüdlü Mehmet Kara Murad yolu keçmək istəyərkən “VAZ 2107” markalı avtomobil tərəfindən vurulub. Müxtəlif bədən xəsarətləri alan yaralı sürücü tərəfindən dərhal Gəncə şəhər Təcili Tibbi Yardım xəstəxanasına yerləşdirilib. Onun vəziyyətinin orta ağır olduğu bildirilir. Faktla bağlı Gəncə şəhər Baş Polis İdarəsində araşdırma aparılır.