Gəncədə iki avtomobil toqquşub, üç nəfər xəsarət alıb

Gəncədə yol-nəqliyyat hadisəsi baş verib.

Avtosfer.az APA-ya istinadla xəbər verir ki, qəza şəhərin Yeni Gəncə yaşayış massivi ərazisində qeydə alınıb.

Belə ki, iki avtomobil toqquşub. Hadisə zamanı 1998-ci il təvəllüdlü O. Hüseynova, 2021-ci il təvəllüdlü J. Hüseynova və 2019-cu il təvəllüdlü U. Məmmədova xəsarət alıb.

Yaralıların müalicəsi xəstəxanada davam etdirilir.

Hadisə yerinə polis əməkdaşları cəlb olunub.

Faktla bağlı araşdırma aparılır.