Gəncədə maşın 2 nəfəri vurub qaçdı
Qəzalar
6 Noyabr 2015 22:30
Oxunub 1447
Naməlum avtomobil təxminən 20-25 yaşlarında olan iki piyadanı vurub
Gəncədə 2 nəfəri avtomobil vurub. Avtosfer.az-ın APA-ya istinadən məlumatına görə, hadisə şəhərin Yeni Gəncə qəsəbəsində qeydə alınıb. Naməlum avtomobil Daşkəsən rayon Bayan kənd sakini 1986-cı il təvəllüdlü Bağırov Anarı və Gəncə sakini 1989-cu il təvəllüdlü Bağırov Elvini vuraraq hadisə yerindən qaçıb. Məlumata görə, onlar avtomobilə oturmaq istəyərkən “BMW” markalı avtomobil tərəfindən vurulublar. Yaralılar yaxınlıqdakı taksi sürücüsünün köməyi ilə Gəncə şəhər Təcili Tibbi Yardım xəstəxanasına çatdırılıb. Hazırda onlara tibbi yardım göstərilir. Vəziyyətlərinin orta ağır olduğu bildirilir.
Faktla bağlı Gəncə Şəhər Baş Polis idarəsində araşdırma aparılır.
ŞƏRH YAZ
DİGƏR XƏBƏRLƏR
