Gəncədə minik avtomobilləri toqquşub - FOTOLAR

Gəncədə 1 nəfərin xəsarət alması ilə nəticələnən yol-nəqliyyat hadisəsi olub. Avtosfer.az-ın məlumatına görə, hadisə şəhərin Nizami Gəncəvi prospektində qeydə alınıb. Belə ki, hərəkətdə olan "Daewoo Nexia" ilə "VAZ 2107" markalı minik maşınları toqquşub. Qəza zamanı minik maşınlarının birində olan sərnişin 2007-ci il təvəllüdlü Z.Cabbarlı xəsarət alıb. Yaralı xəstəxanaya yerləşdirilib, onun vəziyyətinin kafi olduğu bildirilir. Hadisə yerinə DYP əməkdaşları cəlb edilib. Fakt araşdırılır.