Gəncədə qəza: “Mercedes” “Naz Lifan”la toqquşdu - VİDEO

Qayda pozuntusu törədən sürücü qəza səbəbkarına çevrilib. Avtosfer.az xəbər verir ki, sosial şəbəkələrdə paylaşılan yol-nəqliyyat hadisəsi 31 may tarixində, Gəncədə baş verib. Hadisə şahidlərinin kamerasına tuş gələn görüntülərdən də bəlli olduğu kimi “Mercedes Benz” markalı avtomobil 22-BJ-057 dövlət nömrə nişanlı, “Naz Lifan” markalı avtomobillə toqquşub. Nəticədə “Naz Lifan” markalı avtomobilin sol hissəsi tamamilə sıradan çıxıb. “Mercedes”in isə sağ ön hissəsi yararsız vəziyyətə düşüb. Hadisə şahidlərinin məlumatına görə xoşagəlməz hadisənin baş verməsinə səbəb “Naz Lifan” sürücüsünün xəbərdarlıq etmədən qəfil manevrlə sol zolağa keçməsi olub. Xoşbəxtlikdən qəza zamanı xəsarət alan olmayıb. 
Qeyd edək ki, hadisə yerinə cəlb olunan polis əməkdaşları faktla bağlı araşdırma işi aparıb. 

Nərmin