Gəncədə "VAZ 2107" ilə "Mercedes" toqquşdu, xəsarət alanlar var - FOTO

Gəncə şəhərində 3 nəfərin xəsarət alması ilə nəticələnən yol-nəqliyyat hadisəsi olub.

Hadisə Şah İsmayıl Xətai prospektində, marketlərin birinin yaxınlığında qeydə alınıb.

"Mercedes" və "VAZ" markalı avtomobillərin toqquşması sonucunda Gəncə şəhər sakinləri - 1993-cü il təvəllüdlü Həsənov Elşən İbrahim oğlu, 1976-cı il təvəllüdlü Babayev Amil Novruz oğlu və daha bir nəfər müxtəlif dərəcəli bədən xəsarətləri alıblar.

Onlar xəstəxanaya yerləşdiriliblər, vəziyyətləri kafi və orta-ağır qiymətləndirilir.

Faktla bağlı araşdırma aparılır.(report)

***

Gəncədə yol-nəqliyyat qəzası baş verib.

Hadisə şəhərin Şah İsmayıl Xətai prospektində qeydə alınıb.

Hərəkətdə olan "VAZ 2107" ilə "Mercedes" markalı minik maşını toqquşub.

Qəza zamanı 30 yaşlı İbrahim Həsənov, 48 yaşlı Amin Babayev və daha bir nəfər xəsarət alaraq xəstəxanaya yerləşdirilib.

Faktla bağlı araşdırma aparılır.(apa)