Gəncədə yağışlı hava qəzaya səbəb oldu, ölən var - FOTO - YENİLƏNİB

Gəncədə baş verən yol-nəqliyyat hadisəsi zamanı ölən şəxsin kimliyi məlum olub.

Ölən şəxs “Khazar” avtomobilinin sürücüsü 1996-cı il təvəllüdlü Abdulayev Yaşar Kəramət oğludur.

***

Gəncədə yağışlı havada ölümlə nəticələnən yol-nəqliyyat hadisəsi ilə bağlı açıqlama verilib.

Bu barədə Fövqəladə Hallar Nazirliyi (FHN) məlumat yayıb.

Bildirilib ki, nazirliyin “112” qaynar telefon xəttinə Gəncə şəhərində yol-nəqliyyat hadisəsinin baş verməsi ilə əlaqədar xilasedici köməyinə ehtiyac yaranması barədə məlumat daxil olub.

Məlumatla əlaqədar FHN-nin Gəncə Regional Mərkəzinin xilasetmə qüvvələri çağırış üzrə cəlb olunub.

Əməliyyat şəraiti qiymətləndirilərkən müəyyən olunub ki, “Toyota” və “Khazar” markalı 2 minik avtomobili toqquşub, bir nəfər minik avtomobilində sıxılmış vəziyyətdə qalıb.

Həyata keçirilən tədbirlər nəticəsində bir nəfərin meyiti nəqliyyat vasitəsindən çıxarılaraq aidiyyəti üzrə təhvil verilib.

***

22:36

Gəncədə ölümlə nəticələn ağır yol-nəqliyyat hadisəsi baş verib.

Hadisə Gəncə Şəmkir yolunun 1 kmdə qeydə alınıb. Hərəkətdə olan "Prado " ilə VAZ markalı minik maşını toqquşub. Qəza zamanı 1 nəfər ölüb. Hadisə yerinə polis əməkdaşları cəlb olunub. Faktla bağlı araşdırma aparılır. (apa)