Goranboyda iki minik avtomobili toqquşub, dörd nəfər xəsarət alıb

Goranboyda yol-nəqliyyat hadisəsi baş verib.

APA xəbər verir ki, hadisə rayonun Əhmədabad kəndində qeydə alınıb.

Hərəkətdə olan “VAZ 21011” və “VAZ 21015” markalı minik avtomobilləri toqquşub. Qəza nəticəsində 1970-ci il təvəllüdlü Məmmədova Zəminə Valeh qızı, 1993-cü il təvəllüdlü Məmmədova Ruslan Əlövsət oğlu, 2012-ci il təvəllüdlü Qasımov Nihat Nicat oğlu və 1995-ci il təvəllüdlü Qasımova Əfsanə Əlövsət qızı xəsarət alaraq xəstəxanaya yerləşdiriliblər.

Yaralıların vəziyyətinin kafi olduğu bildirilir.

Faktla bağlı araşdırma aparılır.