Goranboyda qəza: Yüksək sürətlə hərəkət edən avtomobil betona çırpıldı - VİDEO

Yüksək sürətlə hərəkət edən sürücü qəfil idarəni itirərək qəzaya səbəb olub.
Avtosfer.az xəbər verir ki, yol-nəqliyyat hadisəsi bugün səhər saatlarında, Goranboy rayonunun Nadirkənd kəndində qeydə alınıb. Videoya düşən görüntüdən məlum olduğu kimi, “Opel” markalı avtomobil yolun sağındakı betona çırpılıb. Qəza şahidlərinin məlumatına əsasən olayın baş verməsinə səbəb sürücünün nəzərdə tutulan sürət həddindən yüksək avtomobili idarə etməsi olub. Qəfildən sükanı buraxan sürücü öncə dəmir dirəyə, daha sonra isə betona dəyərək fırlanıb. Nəticədə avtomobilin müəyyən hissələri sıradan çıxıb. Sürücü və sərnişinlər arasında ciddi xəsarət alan olmayıb.
Qeyd edək ki, rayon üzrə DYP əməkdaşları hadisə yerinə cəlb olunub və faktla bağlı araşdırma aparıb. 

Nərmin