Goranboydakı dəhşətli qəza ilə bağlı rəsmi AÇIQLAMA - FOTO

DİN-in Baş Dövlət Yol Polisi İdarəsi Goranboy rayonunda baş verən qəza ilə bağlı məlumat yayıb. 

İdarədən Avtosfer.az-a verilən məlumata görə, bu gün saat 07:15 radələrində Goranboy rayonunun Xoylu kəndi ərazisində iki nəfərin ölümü ilə nəticələnən ağır yol-nəqliyyat hadisəsi baş verib. 

Belə ki, Nəbiyev Nicat Rəhim oğlunun idarə etdiyi “Mercedes” markalı, 90-GA-314 dövlət qeydiyyat nişanlı nəqliyyat vasitəsilə hərəkətdə olarkən idarəetməni itirib və yolun hərəkət hissəsinin kənarındakı ağaca çırpılıb.

Nəticədə sürücü N.Nəbiyev və sərnişini Elvin Quliyev hadisə yerində dünyasını dəyişib. 

Hazırda faktla bağlı araşdırma aparılır.